शिक्षेविरोधात अपील करणार : आकाश चिकटे

म. टा. वृत्तसेवा, यवतमाळबंदी असलेल्या औषधांचे सेवन केल्याबद्दल नॅशनल अॅण्टी डोपिंग एजन्सीने (नाडा) घातलेल्या दोन वर्षांच्या बंदीविरोधात अपील करणार असल्याची माहिती भारतीय हॉकी संघाचा गोलरक्षक आकाश चिकटे याने दिली आहे. आकाश हा यवतमाळचा रहिवासी असून गेल्या काही वर्षांपासून तो भारताच्या राष्ट्रीय हॉकी संघाचा नियमित सदस्य आहे. मार्च महिन्यात बेंगळुरू येथे राष्ट्रीय संघाचे शिबिर सुरू असताना 'नाडा'तर्फे खेळाडूंची उत्तेजक द्रव्य चाचणी घेण्यात आली होती. त्यावेळी आकाशच्या शरीरात 'नोरॅड्रोस्टेरॉन' या बंदी घातलेल्या द्रव्याचा अंश आढळून आला होता.

कौटुंबिक कक्ष मनोरुग्णालापासून कोसो दूर

कौटुंबिक कक्ष मनोरुग्णालापासून कोसो दूर म. टा. प्रतिनिधी, नागपूर मानसिक वैफल्यग्रस्त अवस्थेशी झुंजणाऱ्या रुग्णांना औषधोपचारा इतकीच मायेची उब हवी असते. कुटुंबाकडून अशा अवस्थेत जिव्हाळ्याची साथ मिळाली तर रुग्णाच्या पुनर्वसनाचा मार्ग सुकर होतो. ही गरज ओळखून सार्वजनिक आरोग्य विभागाने राज्यातील चारही प्रादेशिक मनोरुग्णालयात कौटुंबिक कक्ष म्हणजे 'फॅमिली वॉर्ड' सुरू करण्याचा धोरणात्मक निर्णय घेतला. महात्मा गांधी यांच्या जयंती दिनी राज्यातील तीन रुग्णालयात हा वॉर्ड सुरू झाला. मात्र, नागपूर मनोरुग्णालयाने त्याला हरताळ फासला आहे.

वाघाच्या हल्ल्यात शेतकरी ठार

म. टा. वृत्तसेवा, अमरावती मंगरूळ दस्तगीर येथील एका शेतकऱ्यावर वाघाने हल्ला करून ठार केल्याची घटना शुक्रवारी सायंकाळी सात वाजताच्या सुमारास घडली. राजेंद्र देविदास निमकर (४५) असे मृत शेतकऱ्याचे नाव आहे. यवतमाळ जिल्ह्यात १३ बळी घेणाऱ्या वाघिणीचा ३५ दिवसांनंतरही वन विभागाला बंदोबस्त करता आलेला नाही. त्यात आता अमरावती जिल्ह्यातही व्याघ्रहल्ल्याची घटना समोर आल्याने संताप वाढू लागला आहे. धामणगाव रेल्वे तालुक्यातील मंगरूळ दस्तगीर येथील राजेंद्र निमकर यांचे येरणी परिसरात शेत आहे. शुक्रवारी दुपारी ४ वाजताच्या सुमारास शेतात जनावरांकरिता चारा आणण्याकरिता ते गेले होते.

जिल्हा राष्ट्रवादी काँग्रेसमध्ये धिंगाणा

गुजर अध्यक्ष होताच राजीनामे म.टा. विशेष प्रतिनिधी, नागपूर राष्ट्रवादी काँग्रेसच्या जिल्हाध्यक्षपदी बाबा गुजर यांची नियुक्ती होताच कार्याध्यक्षपदी कायम ठेवण्यात आलेले राजाभाऊ टांकसाळे यांच्यासह सहा पदाधिकाऱ्यांनी राजीनामे दिले. या घडामोडींनी पक्षांतर्गत कलह चव्हाट्यावर आला आहे. सर्व पदाधिकारी माजी मंत्री रमेश बंग यांचे समर्थक असल्याचे समजते. राष्ट्रवादी काँग्रेसने नागपूर शहर व जिल्ह्यात माजी मंत्र्यांकडे अध्यक्षपदाची जबाबदारी सोपवली होती. शहरात अनिल देशमुख आणि ग्रामीणमध्ये रमेश बंग अध्यक्ष होते. देशमुख यांना सहा महिन्यांपूर्वीच मुक्त करण्यात आले.

स्वाइन फ्लूने पोलिसाचा मृत्यू

म. टा. प्रतिनिधी, नागपूर गेल्या सहा दिवसांत विभागात १५ जणांना स्वाइन फ्लूने विळखा घातला आहे. या घडामोडीत नंदनवन पोलिस स्टेशनमध्ये कार्यरत हेडकॉन्स्टेबलचा खासगी हॉस्पिटलमध्ये उपचारादरम्यान स्वाइन फ्लूने मृत्यू झाला. विष्णू दौलतराव मुळे (वय ४९, रा. साईबाबानगर, खरबी), असे मृत पोलिसाचे नाव आहे. विष्णू मुळे यांची २ ऑक्टोबरला प्रकृती खालावल्याने नातेवाइकांनी रुग्णालयात दाखल केले. तपासणीदरम्यान त्यांना स्वाइन फ्लूची लागण झाल्याचे स्पष्ट झाले. त्यांच्यावर लकडगंज येथील न्यू इरा हॉस्पिटलमध्ये उपचार सुरू होते. दरम्यान, त्यांचा शनिवारी मृत्यू झाला.